सुनको मूल्य स्थिर, चाँदीको घट्यो
काठमाडौँ । नेपाली बजारमा आज सुनको मूल्य स्थिर रहेको छ । आज सुन तोलामा १ लाख ७६ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
बुधबार पनि सुन सोही मूल्यमा कारोबार भएको थियो।
यस्तै, आज चाँदीको मूल्य भने घटेको छ । आज चाँदीको १५ रुपैयाँले घटेर २ हजार ३० रुपैयाँमा कारोबार भइरहेको महासंघले जनाएको छ । बुधबार चाँदी तोलामा २ हजार ४५ रुपैयाँमा कायम भएको थियो ।
