नेपालका हिन्दु , बुद्धिष्ट र कम्युनिस्ट भनाउदाहरुकै कारण यो देश संसार भररिका समलिङ्गीहरुको अखाडा हुने भयो। हाम्रो संस्कार, संस्कृति, परम्परा, नौतिकता, सामाजिक र परिवारिक मूल्य मान्यता सब धरासय भएर देश सकिने भो।
पश्चिमा मिडिया र उनीहरूद्वारा पालितपोषित नेपालका केही मिडियाहरूले नेपाल हिन्दुहरूको बाहुल्यता भएको देश, हिन्दू धर्म समलिङ्गी मैत्री भएको र हिन्दूहरूले समलिङ्गी विवाहको विरोध नगर्ने भएकोले नेपाल संसारभरिका समलिङ्गीहरूको केन्द्र बन्न उपयुक्त देश भएको निष्कर्ष निकालेर व्यापक प्रचार गरिरहेका छन् ।
नेपालका हिन्दुहरूले यसबारे न कुनै छलफल गरेका छन्, न कुनै प्रतिक्रिया दिएका छन्, न आफ्नो तर्फबाट यसबारे आधिकारिक धारणा अघि सारेका छन्। एसियामै पहिलो समलिङ्गी सांसद नेपालले नै बनायो। नेपाल समलिङ्गी बिबाह दर्ता गर्ने एसियाकै पहिलो रास्ट्र पनि भयो। सं
सारका दुई शक्तिशाली रास्ट्र(अमेरिका र रुस) जो आपसमा लडिरहेका छन, ती रास्ट्रका रास्ट्र प्रमुखहरु( ट्रम्प र पुतिन) ले समलिङ्गी बिरुद्ध युद्द नै छेडेका छन। भरखरै मात्र युरोपियन युनियन भित्र शक्तिशाली नेता मानिने इटालीकि प्रधान मन्त्री जर्जिया मेलोनीले सार्बजनिक रुपमा सडकमै समलिङ्गी अभियन्ताहरुसित चर्को बादबिबाद गर्दै समलिङ्गीको बिरोध गरेको भिडियोहरु सामाजिक संजालमा आएका थिए।
नेपालका दल, नेता र सरकार भने नेपाललाई संसाररमै सबै भन्दा समलिङ्गी मैत्री देशको रुपमा प्रस्तुत गरेर संसारभरिका समलिङ्गीहरुको क्रेन्द्र वनाउने प्रयासमा लागिरहेको देखिन्छ।
