अस्मिता भण्डारी ।
धेरै जसोले भन्ने गर्छन् ” नेता भेटिएन ” ! सबैको कुरा सुन्दा र देशको परिस्थिति हेर्दा मलाई पनि अचेल लाग्छ , नेता भेटिएन ।
दम्भ,नश्ल, वर्ग र बाद भन्दा माथीको सोच भएको आँटी ब्यक्ती देशको आबश्यकता हो । त्यस्तै ब्यक्तीले देश हाँक्न सक्छ । देशको आबश्यकताको पहिचान भई सक्यो परिआए रिक्स पनि लिन सक्ने मुटु भएको नेता चाहियो नत्र देशको भबिष्य बन्दैन । राजनीतिक खेलाडी र ब्यापारी भेटिए तर ,नेता भेटिएन।
२०४६ सालको परिवर्तन पछि देश भ्रटाचारको जालोमा फसेको छ । एक पछि अर्को गर्दै धेरै ठूला ठूला काण्डमा देश फसेको छ । नेता छन् तर भ्रष्चारमा चुर्लुम्म डुबेका छन् । देश बिदेशमा पढेका छन् तर बिदेशीका बिश्वासी छन् जनतालाई धोका दिन्छन् । मिठो बोल्छन् तर जनता बेच्छन् अनि किन चाहियो यस्ता नेता ?? आफ्नो कर्तुत लुकाउन सत्ताको सौदावाजी गर्छन् , धार्मिक हूँ भन्छन् बिधर्मीलाई सघाउँछन्। देशले असल नेता नै पाएन ,बिडम्वना !!
राजनीतिक र प्रशासनिक क्षेत्रका उच्च पदस्थ भनिएका अक्सर अधिकांश ब्यक्तीहरु र ठूला नेतालाई कार्वाही हुन्न । उनीहरुलाई कसैले छुनै सक्दैन । डनहरु त धेरै भए तर , देशभक्त नेता नै छैन।
यो आरोप होईन हकिकत/ सत्य हो । अब केहि गतिलो गरौं न त भनेर कोशिश गर्दा त्यो पनि पार लाग्ने गरिको भएन । सत्तामा पुगेर सत्ता स्वाद लिएका साना ठूला सबै पार्टीको मिलेमतोमा ठेक्का पट्टा , लेन देन चलेकै छ । आफ्नालाई देखाइ दिने , चखाइ दिने, हैसियत बताईदिने र भित्ता मै पुर्याइ दिने मानसिकता भएकाहरु पनि छन् , तर मुटु भएको देश भक्त नेता अँह, छैन ।
सत्ताको उन्मादले आफ्नै घमण्डले आफैलाई खाएको थाह छैन । अहिले त दुई चार युट्युव नचलाउने कुनै नेता छैनन । सबै कुराको उपचार सामाजिक सञ्जाल पनि होईन । के लेख्ने के नलेख्ने सामाजिक संजालमा ? अत्तोपत्तो छैन । जे जे मन लाग्छ , जसलाई देवत्वकरण गर्न मन लाग्छ जसलाई उदाङ्गो बनाउन मन लाग्छ पटापट लेख्यो र आत्मरति लियो । मिडिया पनि राजनीतिबाट प्रषूधित भई सक्यो ।
एउटा स्टाटस लेखेर त्यहि स्टाटसको गफ दिएर हिड्ने हाम्रो राजनीतिक परिवेश यस्तो छ ।
यस्तो परिवेशबाट आउने पुस्ताले के प्राप्त गर्छ र समाजले के पाउँछ ?? नेताहरु डन जस्ता छन ,जनताहरु निरिह !! त्यो निरिहता माथीको राजनीति डन तन्त्र कहिले सम्म हो ?
देश युवाजति बिदेशमा सप्लाई गर्ने कारखाना जस्तो भो । युवा जति सबै बाँदर लड्ने भीरमा भेडा चराउन समेत जान बाध्य छन् । देशमा रोजगारी छैन , कलकारखाना बन्द छन् । काण्डै काण्डको अखडा भयो सवैलाई थाह छ तर किन सबै चुपचाप ?#
भिजिट भिसा काण्ड, नक्कली भुटानी शरणार्थी काण्ड लगायतका काण्डहरु किन छानबिन भएनन् किनकी आफ्नै पार्टीका कार्यकर्ता , नाता गोता र आफन्तहरु पर्छन् त्यसैले आन्तरिक सहमतिमा छानबीन हुदैन । ,
भ्रटाचारको जालोले कसैलाई नछोएको छैन बर्तमान् प्रधान मन्त्री देखी पूर्व प्रधानमन्त्रीहरु, पार्टीका अध्यक्षहरु सबैमाथि प्रश्न खडा भएको छ ।
देश जोगाउन सबैलाई समेटेर अगाडि बढ्ने , देशलाई निकास दिन सक्ने , आँट र मुटु भएको नेता भेटिएन ।
अझै त समय छ , हाम्रो देश हामी सँगै छ तर , यस्तो दिन नआवोस् माटो हाम्रो छ देश अर्कै को !!
त्यसैले खुलेर बहस गरौं । आफ्नो देशको भविष्यका निम्ति अग्रसर बनौं । यो देव भूमि , तपोभूमि सुन्दर देशलाई समुन्नत बनाउनका लागि योगदान गरौं ।।समयले सबै कुरा सिकाउने छ!!
(स्रोतः भण्डारीको फेसवुक । भण्डारी विश्व हिन्दु महासंघकी अध्यक्ष हुन्।)
