काठमाडौं। जनता समाजवादी पार्टीका मधेश प्रदेशका सांसद सरोजकुमार सिंहलाई अख्तियार दुरुपयोग अनुसन्धान आयोगले नियन्त्रणमा लिएको छ।
आयोगले काठमाडौंको अनामनगरबाट उनलाई पक्राउ गरेको हो। प्रदेश सांसद विकास कोषको रकम हिनामिना गरी भ्रष्टाचार गरेको आरोपमा उनलाई पक्राउ गरिएको हो।
उनीमाथि मधेश सरकारको योजना खरिद बिक्री गरेको आरोप लागेको छ। सिंह महोत्तरी क्षेत्र नम्बर ४ (ख) बाट निर्वाचित जसपा सांसद हुन्।
